TIRANE
Shënjestra e atentatit pas të shtënave mbrëmjen e sotme në kryqytet, është identifikuar si 55-vjeçari Urim Vata.
Gazetarja Dorjana Bezat raporton për BalkanWeb se ngjarja ka ndodhur në rrugë në zonën e Paskuqan, ku si pasojë ka mbetur i plagosur Vata.
Bëhet me dije se 55-vjeçarin e kanë kapur plumbat në këmbë dhe më pas është dërguar në spital nën kujdesin e mjekëve, jashtë rrezikut për jetën. Gazetarja Dorjana Bezat raporton për ‘BalkanWeb’ se atentatori ka qenë në motor, ndërsa duke lëvizur ka qëlluar disa herë në drejtim të Vatës. Por ky i fundit ka marrë një plumb në këmbë me një pistoletë.
Policia po punon intensivisht për identifikimin dhe kapjen e autorit/ve.
(e.f/BalkanWeb)