Një 48-vjeçar nga Tirana është shpallur në kërkim, pasi ka tentuar të përplasë me makinë bashkëshorten e tij, e cila është e pajisur me urdhër mbrojtje ndaj këtij të fundit.

Burime për gazetarin Igli Çelmeta, kanë bërë me dije se rasti është referuar si tentativë vrasjeje ndërsa në kërkim është shpallur shtetasi Rakip Mecaj.

“Specialistët për Hetimin e Krimeve në Komisariatin e Policisë Kavajë referuan materialet në Prokurori, si dhe po punojnë për kapjen e shtetasit R. M., 48 vjeç, pasi ka tentuar të dëmtojë gjatë drejtimit të automjetit, bashkëshorten e tij, e cila është e pajisur me urdhër mbrojtjeje”, bën me dije policia.

Materialet i kaluan Prokurorisë, për veprime të mëtejshme.