Kuvendi përjashton për 10 ditë 5 deputetë të PD pas situatës së tensionuar që solli mbylljen e shpejtë të seancës së të enjtes.
Ishin 7 deputetë të Partisë Socialiste që kërkuan përjashtimin me 10 ditë nga seancat plenare dhe komisionet për 5 ligjvënës të PD.
Kjo kërkesë, dërguar kryeparlamentares Lindita Nikolli, ka ardhur pas debateve dje në sallën e Kuvendit, ku Berisha bashkë me deputetë të tjerë opozitarë bllokuan foltoren.
Kështu pas mbledhjes Konferenca e Kryetarëve vendosi përjashtimin e Sali Berishës, Flamur Nokës, Edmond Spahos, Belind Këlliçit dhe Edi Palokës.
Kanë qenë pikërisht Ismet Beqiraj, Petro Koçi, Denis Deliu, Arben Pëllumbi, Ermonela Felaj, Mimi Kodheli dhe Gerta Duraku nga radhët e PS që kanë firmosur shkresën.
(BalkanWeb)
