Presidenti i Turqisë, Recep Tayyip Erdoğan, zhvilloi një bisedë telefonike me homologun e tij amerikan Joe Biden ku u diskutuan marrëdhëniet dypalëshe.

Siç bëjnë të ditur nga Drejtoria Turke e Komunikimeve, Erdoğan dhe Biden ranë dakord mbi karakterin strategjik të marrëdhënies dypalëshe dhe rëndësinë e punës së përbashkët për të ndërtuar një bashkëpunim më të madh për çështje me interes të përbashkët.

Presidenti turk vuri në dukje se adresimi i çështjeve të pranisë së Organizatës Terroriste FETO në SHBA, si dhe mbështetja amerikane për grupin terrorist PKK/PYD në Siri, është e rëndësishme për avancimin e marrëdhënieve midis dy vendeve, thuhet në kumtesë.

Të dy udhëheqësit kanë rënë dakord të takohen në margjinat e Samitit të Liderëve të NATO-s në qershor.

Kjo ishte biseda e parë telefonike mes Erdoğan-it dhe Biden-it që kur presidenti i amerikan mori detyrën në muajin janar.//AA

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb