Rexhep Tajip Erdogan është shfaqur edhe një herë provokues, duke deklaruar në një gazetë të Katarit se “Turqia nuk do të tërhiqet kurrë në Egje dhe Mesdhe”.

Ai gjithashtu akuzoi Greqinë se ishte ajo që shkaktonte tension në rajon me “veprimet e saj të njëanshme”.

Presidenti turk sulmon gjithashtu Francën, duke deklaruar se është Parisi “me kolonializmin e njohur” që fshihet pas qëndrimit të Greqisë dhe Greko-Qipriotëve, shkruajnë mediat greke.

“Ne kemi deklaruar me forcë në të gjitha forumet se nuk do të pranojmë një zgjidhje që injoron Turqinë dhe palën Turqi-Qipriote dhe na kufizon në brigjet tona. Ne do të vazhdojmë të mbrojmë me vendosmëri të drejtat tona në çdo kohë dhe në të gjitha kushtet”, shtoi Erdogan.

Duke këmbëngulur Erdogan thotë se “ata që panë vendosmërinë tonë në Mesdheun Lindor dhe zbuluan se nuk mund të na bënin të tërhiqeshim me kërcënime boshe dhe shantazhe më në fund iu bindën thirrjes sonë për dialog”.

“Turqia ka treguar fuqimisht dhe qartë se mbështet uljen e tensionit dhe është në favor të dialogut në Mesdheun Lindor jo vetëm përmes pozicioneve të saj por edhe përmes veprimeve të saj”, thekson Erdogan.