TIRANE- Nënkomisioni ‘Ad Hoc’ ka përjashtuar nga gara kandidatin për anëtar në Këshillin e Lartë Gjyqësor, Altin Hazizaj, i cili ishte një nga tre kandidatët e Shoqërisë Civile.
Mësohet se tre anëtarët e PS votuan për përjashtimin e tij nga shorti, pas akuzave të PD se Hazizaj prekej nga ligji i dekriminalizimit dhe kishte fshehur dy dënime të mëparshme.
Oerd Bylykbashi u shpreh se Kuvendi duhet të përzgjedhë mes kandidaturave dhe përjashtimi i Hazizajt është një farsë duke u tallur me shqiptarët.
Kujtojmë se pas akuzave të PD më herët se ka qënë i dënuar, Hazizaj reagoi duke u shprehur se ishte arrestuar në moshën 22-vjeçare, kur ishte gazetar, teksa nuk i ishte bindur urdhrit të policisë për të mos hyrë në një ndërtesë të papërfunduar në Tiranë.
(d.d/BalkanWeb)
