Të mërkurën në orën 15.00 Shqipëria do të përballet me Kroacinë, në ndeshjen e dytë të Euro 2024. UEFA tashmë ka vendosur edhe për arbitrin, i cili do të gjykojë takimin që do të mbahet në Hamburg.
Gjyqtari francez Francois Letexier do të vendosë drejtësi, në përballjen e rëndësishme të grupit B.
35-vjeçari Letexier ka qenë “bilbil” kryesor në 5 ndeshje të Champions League, 4 ndeshje të Europa League dhe 15 sfida të Ligue 1.
Kroacia dhe Shqipëria pësuan humbje në ndeshjet e para përkatësisht ndaj Spanjës 0:3 dhe Italisë 1:2.
(J.S/BalkanWeb)
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
