Federata Shqiptare e Futbollit ka vendosur sërish të ndryshojë oraret e ndeshjeve që do të zhvillohen të enjten dhe që përkojnë me javën e fundit të kampionatit. Me titullin kampion tashmë të arkivuar, mbetet vetëm të zyrtarizohen ekipet që do të luajnë në Kupat e Europës sezonin e ardhshëm dhe ato që do të zbresin në Kategorinë e Parë. Sektori i Garave në FSHF, ka vendosur ta afrojë me 30 minuta kalendarin e javës së 36-të. Takimet nuk do të luhen më në orën 16:30, siç ka qenë praktikë këto javët e fundit, por në orën 16:00.

(Balkanweb)