Me pankarta dhe thirrje “Të harruar në Siri, ktheni fëmijët në shtëpi”, dhjetëra familjarë dhe qytetarë kanë protestuar sot paqësisht para Kryeministrisë.
Ata kërkojnë nga autoritetet që të kthejnë vëmendjen e tyre ndaj fëmijëve, të cilët jo për fajin e tyre përfunduan në kampet e Sirisë. Xhetan Ndregjoni, daja i Eva dhe Endri Dumanit, me zërin dhe duart që i dridheshin, ka kërkuar llogari ndaj qeveritarëve.
Nga ana tjetër, Ylli Gurra thotë se dhjetëra nxënës mungojnë në bankat e shkollës për faj të grupeve radikaliste dhe ekstremiste, që veprojnë në vendin tone, ndaj apeloi shtetin që të marrë masa.
Të afërmit e Eva dhe Endri Dumanit, dy fëmijët e mitur që ndodhen të vetëm në kampin e Sirisë, pasi babai dhe gjyshja e tyre u vra në luftime, kërkojnë riatdhesimin e tyre.
Nëna e tyre, e veshur në të zeza dhe në gjendje aspak të mirë shëndetësore, përlotet pasi prej 7 vitesh nuk ka parë fëmijët e saj.
Familjarët dhe qytetarët marshuan para Kryeministrisë, ku vendosën pankarta dhe çanta shkolle.
(BalkanWeb)