TIRANE – Dy persona janë arrestuar nga policia në kryeqytet nën akuzën e prodhimit dhe shitjes së produkteve ushqimore të kundraligjshme. Fabian Gero, 55 vjeç dhe djali i tij Arnoldi, 21 u vunë në pranga pas zbulimit të bodrumit të modifikuar për prodhimin e artikujve të ndryshme ushqimore, duke përdorur amballazhime të përdorura si dhe duke fallsifikuar etiketa të firmave të ndryshme të prodhimeve vendase.
Materialet proceduriale i’u kaluan Prokurorisë pranë Gjykatës së Shkallës së Parë Tiranë, për veprat penale të “Prodhimi i kundërligjshëm i artikujve dhe mallrave industrialë dhe ushqimorë”, “Fshehja e të ardhurave” dhe “Falsifikimi i vulave, stampave ose formularëve”.
Njoftimi i policisë
Tiranë
Finalizohet operacioni “Kimisti”
Vihen në pranga dy shtetas (atë e bir) Sekuestrohen një sërë artikujsh dhe mallra industrialë/ushqimorë të kundraligjshëm. Specialistët e Krimit Ekonomik Financiar, në Drejtorinë Vendore të Policisë Tiranë, kanë finalizuar operacionin “Kimisti”, në kuadër të të cilit kanë arritur të dokumentojnë veprimtarinë e prodhimit në mënyrë të kundraligjshme të disa produkteve ushqimore si dhe arrestimin në flagrancë të shtetasve:
– Fabian Gero, 55 vjeç, banues në Tiranë
– Arnold Gero, 21 vjeç, banues në Tiranë.
Shtetasit e lartëpërmendur, kishin modifikuar ambjentet e një bodrumi për prodhimin e artikujve të ndryshme ushqimore, duke përdorur amballazhime të përdorura si dhe duke fallcifikuar etiketa të firmave të ndryshme të prodhimeve vendase.
Si rezultat i këtij operacioni, janë sekuestruar në cilësinë e provës materiale: 1. Një automjet tip Volkswagen. 2. 270 shishe plastike 1.5 kg me mbishkrimin Vaj sallate Himara dhe vaj ulliri Himara 3. 150 l vaj ulliri i hapur pa etikete. 4. Arome vaj ulliri 40 kg. 5. 700 shishe qelqi të mbushura me salcë domatesh me mbishkrimin Fagero. 6. Një thes 20 kg i hapur i mbushur me lëndë Sode Kaustike 7. 90 kg me lëndë kimike (përdoret për prodhimin e pijeve alkoolike), 8. 3 shishe qelqi 1 l me lëndë Acid Nitrik 9.Sapuna me ngjyrë 700 copë 10. Një bidon 1l alkool Izopropilik 11. Etiketa Stampa me mbishkrimin Fagero Leng Domate Passata 12. Etiketa Stampa me mbishkrimin Fagero salc Domate me ereza 13. Etiketa stampa Vaj sallate Himara, Vaj ulliri Himara dhe 14.Etiketa stampa Vaj ulliri Himara si dhe etiketa vaj extra vergine 15.Pajisje që shërbenin për prodhime të ndryshme. Materialet proceduriale i’u kaluan Prokurorisë pranë Gjykatës së Shkallës së Parë Tiranë, për veprat penale të “Prodhimi i kundërligjshëm i artikujve dhe mallrave industrialë dhe ushqimorë”, “Fshehja e të ardhurave” dhe “Falsifikimi i vulave, stampave ose formularëve”, parashikuar nga Nenet 288/a, 180 dhe 190 të Kodit Penal.
(e.f/BalkanWeb)
