GJERMANI- Familja Berisha është integruar plotësisht në Gjermani dhe ndjehen si gjermanë, por përkundër kësaj, ajo pritet të dëbohet për në Kosovë, shkruan ‘sz-online.de’. Muharrem Berisha jeton prej vitesh në këtë shtet me gruan, Vjollca Nebihin dhe dy fëmijët, Ledionin, 4 vjeç dhe Lea, 1 vjeç, përcjell albinfo.ch.

Ledioni po e rregullon bredhin e Krishtlindjes, ndërsa në të ardhmen dëshiron të bëhet futbollist, ose edhe boksier. Këtë e thotë pastër në gjuhën gjermane, që e flet shumë mirë. Kushdo që troket në derë, ai e di se është policia. “Unë dua që ata të vijnë”, thotë ai. Por, babai i tij i thotë me të qeshur thotë. “Jo, Ledi, policia është e mirë. Ata vijnë për të ndihmuar”, mund t’i shpjegojë 29-vjeçari, edhe pse djali nuk duket i bindur.

Ledioni është katër-vjeçar dhe ka lindur në Kosovë, kurse tani po jeton në Gjermani për vitin e dytë rresht në Meissen, pastaj në fshatin Perba në Nossen. Motra e tij është Lea, e cila është një-vjeçare dhe mundohet të flasë gjermanisht dhe shqip, ndërsa familja shqiptare ka frikë se ata do të dëbohen në Kosovë. Familja shqiptare është në Gjermani nga shkurti i vitit 2015 dhe disa herë i janë refuzuar letrat. Kosova është në mesin e vendeve të sigurta dhe dëbimi pothuajse është i sigurt.

Shumica e shqiptarëve të Kosovës dhe azilkërkuesit tjerë të cilët kanë jetuar në Perba, tashmë janë larguar. Një familje tjetër është nga Kosova, një nga Serbia dhe dy nga Siria. Ata janë myslimanë, liberal dhe festa e Krishtlindjeve nuk ju pengon, kurse gruaja e tij bart shami. Ndonjëherë mund të pinë ndonjë birrë. “Unë dhe familja ime ndihemi gjermanë dhe nuk duam të kthehemi në Kosovë”, thotë ndër të tjera Muharrem Berisha.
(ed.me/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb