Pas përfundimit të ndeshjeve miqësore të marsit që ekipet e kualifikuara për në Evropian zhvilluan gjatë ditëve të fundit, mediat britanike kanë bërë një renditje se cilat janë skuadrat favorite për fitimin e trofeut.

Sipas të përditshmes britanike, “The Telegraph”, Shqipëria llogaritet si autsajder në “Euro 2016”. Kombëtarja shqiptare renditet e parafundit, duke lënë pas vetes vetëm përfaqësuesen e Hungarinë.

“Çfarë mund të themi për Shqipërinë që nuk është thënë deri tani? Hmm. Ata humbën 2-1 në miqësoren me Austrinë javën e kaluar dhe nuk janë aq të veçantë, jo aq sa flitet për ta”,-shkruan “The Telegraph”, ndërsa nuk përfshinë në artikullin e saj fitoren që kuqezinjtë arritën një natë më parë ndaj Luksemburgut (0-2).

Po sipas gazetës britanike, në vend të parë renditet Gjermania, e ndjekur nga Franca dhe Spanja. Dy kundërshtarët e tjerë të Kombëtares në grup, Zvicra dhe Rumania, renditen në vendin e 17 dhe të 20.
(er.shk/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb