Presidenti i vendit, Ilir Meta ka ndarë në profilin e tij në Facebook një mesazh, që përfshin lutjet e përbashkëta të përfaqësuesve të besimeve të ndryshme fetare në vend në këto ditë të vështira që po jetojmë nga koronavirusi.
Sipas tij, këto lutje për shërimin e cdo qytetari shqiptar na japin sot forcë për të përballuar këtë betejë.
STATUSI I PLOTË
Një mesazh i ngrohtë, shpresëdhënës dhe gjithëpërfshirës në këto momente tepër të vështira për shqiptarët dhe për mbarë njerëzimin!
Lutjet e përbashkëta të përfaqësuesve të besimeve të ndryshme, për shëndetin dhe shërimin e çdo qytetari, na japin forcë dhe na motivojnë për ta përballuar me sukses të gjithë bashkë këtë betejë!
Zoti qoftë me të gjithë ne!?

? LUTJA E PËRBASHKËT E PËRFAQËSUESVE TË BESIMEVE TË NDRYSHME
Unë jam Rabin Eriku!
Unë jam At Xho!
Ndërsa unë jam Imam Gazi! ??
Ne njihemi në komunitetet tona si “3 shokët”.
Si përfaqësues të feve dhe komuniteteve tona, ne lutemi për shërimin dhe sigurinë Tuaj!
Ne i jemi shumë mirënjohës stafit të ekipit mjekësor, për kujdesin dhe kurajën e tyre në përballimin e këtij rreziku. Mirënjohje për të gjithë ata që na mbështesin.
Zoti ju bekoftë dhe në këtë moment delikat e të vështirë të keni paqen e Zotit.
Bëni pjesën tuaj dhe promovoni respektin dhe shpresën të gjithëve!
Ndani mesazhin tonë sa më shumë.
Duajini të afërmit si veten tuaj!
Shalom! Selam! Paqja e Zotit qoftë me Ju!

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb