Daja i Endri Dumanit, Xhetan Ndregjoni, djalit që sot u kthye nga Siria përmes një operacioni të Antiterrorit, deklaroi se fëmijët në kampin Al Hor më shumë i ka vrarë frika sesa mungesa e ushqimit.
Ndregjoni u shpreh se nipi i tij, Endri ndihet shumë mirë në Shqipëri dhe shumë i lumtur.
Babai i Alvin Berishës: Fëmijët atje kanë luajtur , nuk kanë pasur çfarë të bëjnë. Kanë qenë 1 vit e gjysmë në kamp dhe kanë parë gjithçka, por një fëmijë e kalon situatën shpejt. Nuk ka frikë e ankth. Në fillim ishte pak problem, por tani luan dhe është mirë. Alvini atje ka qenë i plagosur, ka qëndruar pak kohë në gjendje kome e pastaj e ka marrë veten.
Daja i Endri Dumanit, Xhetan Ndregjoni: Ka ndryshim, edhe pak orë sa ka ardhur. Ai qesh, ndihet më mirë. Ata më shumë i ka vrarë frika se ushqimi. Ata kanë qenë në ankth, që u vra ky e u vra ai. Kanë thënë se Eva nuk ka dashur vetë të vijë dhe kjo është e pavërtetë. Ata të trembur dhe të mbaruar janë. Më mirë do të ishte që media të hynte aty dhe të thoshte a ka shqiptarë këtu e do mblidheshin”, deklaroi Ndregjoni.
(d.xh/ balkanweb)
