Botërori 2020 mëson në këto dy javë edhe emrat e fundit të skuadrave pjesëmarrëse pas përfundimit të ndeshjeve play-off dhe kështu do të ketë një kuadër të qartë të 32 ekipeve finaliste të turneut.
Një aktivitet i cili zhvillohet në një periudhë të pazakontë, duke e detyruar FIFA-n që të bëjë disa ndryshime të rëndësishme për skuadrat pjesëmarrëse.
Sipas “Bild”, FIFA ka planifikuar që të përshtatë në këtë turne disa rregulla që më parë u vunë në zbatim nga UEFA në Europianin e verës së kaluar. I pari është ai i numrit të lojtarëve që mund të grumbullohen nga çdo ekip.
Në vend të 23 lojtarëve, tani trajnerët e përfaqësueseve mund të grumbullojnë 26 të tillë për fazën finale të turneut. Megjithatë, në ditën e ndeshjes, vetëm 23 do të jenë të gatshëm për të luajtur, me 3 futbollistë që do të ndjekin sfidat nga tribuna.
Rregulli i dytë është ajo e 5 zëvendësimeve, që do të përdoret edhe në Katar 2022. Rregulli në fjalë u vendos në zbatim si pasojë e situatës me COVID në një periudhë kur lojtarët përjetonin stërvitje me pauza për shkak të infektimeve duke rrezikuar dëmtime.
Por FFIA mendon se ky rregull duhet të përdoret edhe në Katar, pasi shumë futbollistë do të kenë vetëm një javë pushim në nëntor mes shkëputjes nga klubi i tyre përkatës dhe fillimi i aktivitetit. Ndaj për të evituar dëmtime dhe sforcim të lojtarëve përtej limiteve, do të përdoret në këtë aktivitet rregulli i 5 zëvendësimeve.
(BalkanWeb)
