Autoritetet afgane kanë filluar ndërtimin e një spitali të specializuar për fëmijë me 400 shtretër në provincën Herat të Afganistanit perëndimor, raportoi agjencia shtetërore e lajmeve Bakhtar.

Spitali financohet nga një biznesmen vendas në kryeqytetin provincial Herat City me një kosto prej 5 milionë dollarësh amerikanë për të ofruar shërbime shëndetësore për fëmijët, shtoi media shtetërore.

Sektori i shëndetësisë në Afganistan është prekur rëndë nga dekada luftërash dhe vendimi i fundit i Shteteve të Bashkuara për të ndaluar ndihmën humanitare për vendin e pasluftës. Ministria afgane e shëndetit publik i ka bërë thirrje bashkësisë ndërkombëtare që të vazhdojë të ndihmojë afganët në sektorin e shëndetësisë.

(A.A/BalkanWeb)