Ta shohësh atë me kamuflazh dhe armë gjahu është vërtet mbresëlënëse. E mbani mend Sasha Volkov, qendrën sovjetike në NBA, medalistin e artë olimpik me Rusinë në Seul 1988?
Në moshën 57-vjeçare u kthye për të mbrojtur atdheun e tij, Ukrainën. Ai ua dërgoi foton përmes ëhatsapp miqve të tij nga bota e basketbollit, përfshirë Charlie Recalcati dhe Dino Meneghin.
Shikon celularin e tij, paksa i zhytur në mendime, teksa përfundon patrullimin e tij nëpër rrugët e Kievit, i katapultuar në një luftë të paimagjinueshme deri vonë, jo vetëm për të.
Dhjetë ditë më parë, mikut të tij Gianni Chiapparo nga Vareze, ai i dërgoi një video të bombardimeve me fjalët: “Ende nuk mund ta besoj, por ky është realiteti…”. Mbi të cilin Volkov vendosi të hedhë vështrimin, pa e kthyer diku tjetër.
Ai shkoi në shtëpi për të luftuar, në vend që të qëndronte jashtë vendit ku ngriti pasurinë e tij. Volkov është një mal, 208 cm, me origjinë nga Omsk në Siberinë Perëndimore, por me gjak ukrainas.
Në Kiev ai filloi lojën e tij në basketboll, e cila e bëri atë të arrinte lartësi madhështore dhe madje, për ironi, të vishte fanellën e CSKA-së, ekipit të Ushtrisë së Kuqe. Me BRSS ai fitoi shtatë medalje olimpike, botërore dhe evropiane.
Ai ishte i pari sovjetik që shkeli në NBA (Atlanta), ndërsa luajti edhe në Reggio Calabria, në Violën e drejtuar nga Recalcati. Pas largimit nga basketbolli, ai u bë pjesë e parlamentit ukrainas në fund të mijëvjeçarit duke u bërë ministër i sportit. Që nga viti 2007 ai është në krye të federatës së basketbollit të vendit të tij. Që tani mbrohet jo në një fushë basketbolli, por me pushkë.
(BalkanWeb)