Kryeministri i Shqipërisë, Edi Rama ka thumbuar Lulzim Bashën për tubimet e demokratëve në ditët e fundit.
Rama thotë se sot Basha fle në ditë shiu, teksa nxjerr video të xhiruar në ditë me diell ku vijon të infektojë me krenari ndjekësit.
Pikërisht, sipas Ramës kjo do të jetë vula që do i mbetet humbësve të 25 prillit.
Sot lideri demokrat e nisi ditën nga Unaza e Re, por Rama hedh dyshime se kjo video është xhiruar në ditë me diell dhe jo sot në shi.
STATUSI NGA EDI RAMA
Ndërkohë që fle në këtë ditë shiu, Lulëzim Basha del në tv me një video të xhiruar në ditë me diell, ku siç shihet vazhdon të infektojë me krenari ndjekësit e tij?
Ne vazhdojmë vaksinimin masiv dhe distancimin fizik për ta fituar këtë luftë, me vetëdijen se shëndeti i shqiptarëve është mbi gjithçka?
Vaksinimi dhe distancimi do të na nxjerrin së shpejti fitues si popull e si shtet mbi Armikun e Padukshëm, ndërsa turpi i infektimit të përditshëm do të jetë vula që do t’i mbetet humbësve të 25 prillit!
(BalkanWeb)
