Kryeministri i Kosovës, Avdullah Hoti i është përgjigjur Presidentit të Serbisë, Aleksandar Vuçiç për deklaratat e tij të fundit për investimet, modernizimin dhe forcimin e ushtrisë serbe.
Hoti thotë se Vuçiç duke përdorur si pretekst Kosovën për ngritjen e ushtrisë nuk i shërben as paqes, dhe as arritjes së marrëveshjes përfundimtare me një njohje reciproke në fund.
Kohët e fundit Vuçiç ka lëshuar deklarata provokuese ndaj Kosovës, duke shënjestruar madje direkt Haradinajn.
STATUSI NGA AVDULLAH HOTI
Kosova mbetet e përkushtuar në rrugën e saj drejt integrimit në NATO dhe thellimit të bashkëpunimit me partnerët strategjik ndërkombëtarë, SHBA-të dhe vendet mike të BE-së.
Deklarata e Presidentit të Serbisë Vuçiq, për ngritjen e kapaciteteve ushtarake, me pretekst zhvillimet në Kosovë, nuk i shërben paqes dhe stabilitetit në rajon, e aq më pak arritjes së marrëveshjes përfundimtare dhe njohjes reciproke.
(BalkanWeb)