Forma të rrumbullakosura dhe një pamje agresive për Ferrarin e këtij viti, që quhet F1-75 dhe që kompania Maranello lançoi. Kjo makinë do të dalë në pistë në testet e Barcelonës javën e ardhshme.

Detajet teknike, ato që kanë rëndësi, mbeten të fshehura nën një llak, i cili – siç ishte tashmë e mundur të hamendësohej – ndërthur të kuqen tradicionale me prekjet e së zezës që duket se e bëjnë atë edhe më kërcënuese.

Për të përshkruar karakteristikat e tij, së bashku me Drejtorin e Ekipit Mattia Binotto, ishin dy pilotët Charles Leclerc dhe Carlos Sainz. Fryma me të cilën Maranello përballet sezonin e ri (dhe epokën e re të Formula 1) ishte në qendër të prezantimit të drejtorit të skuadrës Binotto, i cili foli për një sfidë ndaj fuqisë së konstituuar të Red Bull dhe Mercedes.

Ambicia e Ferrarit është për t’u rikthyer te fitorja në Grand Prix dhe për të lënë pas një 2020 mediokër dhe një rilindje të 2021-n, që përfundoi në vendin e tretë në Kampionatin Botëror të Konstruktorëve, por në të vërtetë shumë larg nga dy skuderitë e para.

(BalkanWeb)

Sondazh


Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: