DURRES- Një kalimtar është përplasur për vdekje mbrëmjen e sotme në mbikalimin e Fllkës në autostradën Tiranë-Durrës, ndërsa dyshohet se vetë ai, i ka prerë rrugën makinës në mënyrë të befasishme.
Ngjarja ka ndodhur rreth orës 19:00, kur mjeti tip Wolsvagen, me targa DR 5189 E, i drejtuar nga shtetësia T.H. 23 vjeçe ka përplasur për vdekje kalimtarin rreth 40-vjeç, që dyshohet të jetë banor i zonës së Fllakës në Durrës.
Trupi i viktimës nuk është identifikuar ende nga policia.
Polica e Durrësit bën me dije se nga aksidenti, drejtuesja e mjetit është tronditur dhe ndodhet e shtruar në Spitalin Rajonal Durrës.
Grupi hetimor ndodhet ende në vendngjarje dhe po punon për zbardhjen e plotë të ngjarjes.
(ma.ar/BalkanWeb)