ITALI – Një plagosje me armë zjarri ka ndodhur mbrëmjen e sotme në Itali, ku i lënduar ka mbetur një 27 vjeçar shqiptar. Ai është qëlluar me armë zjarri rreth orës 20:30 në komunën e Busto Garolfos në Milano.
Nga të dhënat paraprake mësohet se shqiptari është qëlluar me armë në gjoks nga një person i cili është larguar menjëherë nga vendngjarja me një automjet shkruan Ilgiorno.it.
I riu shqiptar ndodhet në gjendje të rëndë në spital e ndërsa policia po punon për zbardhjen e ngjarjes.
(BalkanWeb)