Gruaja që shihni në foto është banakierja e lokalit në Don Bosko, e cila mbeti e vrarë pas një atentati, ndërsa u plagosën 5 të tjerë.

Gazetari Igli Çelmeta ka siguruar për BalkanWeb foton e Mimoza Majat, e cila duket se është qëlluar gabimisht, pasi sulmi duket se ka pasur si shënjestër Sahit Muratin, xhaxhai i Fation Muratit, i dyshuar si vrasës me pagesë.

Po ashtu gjatë sulmit mbetën të plagosur shtetasit Astrit Meraj, Emanuele Sala, Ermir Bejçuku dhe Genc Shohalli.

  • foto galeri

NJOFTIMI I POLICISE
Më datë 12.03.2023, rreth orës 21:05, në rrugën “Ananstas Shundi”, në lokalin në pronësi të shtetasit F. M., në rrethana ende të paqarta, nga persona ende të paidentifikuar, është qëlluar me armë zjarri.

Si pasojë ka humbur jetën shtetasja Mimoza Paja, rreth 60 vjeçe, banakierja e lokalit, si dhe janë plagosur shtetasit S. M., 50 vjeç, A. M.,42 vjeç, E. S., 47 vjeç, E. B., 45 vjeç, G. Sh., 55 vjeç, të cilët ndodhen nën kujdesin e mjekëve.
Gjithashtu është lënduar në dorë nga ciflat e xhamave, një e mitur 10-vjeçare.

Për hetimin e kësaj ngjarjeje është ngritur një grup i posaçëm hetimor dhe nën drejtimin e Prokurorisë vijon puna intensive për zbardhjen e rrethanave të ngjarjes, sekuestrimin e provave që do të shërbejnë për zbardhjen e ngjarjes, identifikimin dhe kapjen e autorëve.

Ndërkohë janë ngritur pika kontrolli në bashkëpunim me Drejtoritë Vendore të Policisë Durrës, Elbasan, Lezhë e Dibër.

Shërbimet e Policisë po vijojnë kontrollet në gjithë territorin ku dyshohet që mund të kenë lëvizur ose ku mund të fshihen autorët.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: