ELBASAN
Kryetari i grupit parlamentar në Partinë Socialsite, Taulant Balla njofton se ka mbledhur Shtabin e Emergjencës të Qarkut Elbasan, pas tërmeteve, të cilat shkaktuan dëme materiale. Ai thekson se deri tani lajmi i mirë është se nuk ka persona të lënduar. Teksa rendit dëmet e shkaktuara, Balla thotë se qeveria dhe grupet e posaçme do të verifikojnë të gjitha dëmet e shkaktuara si pasojë e tërmetit.
“Mblodhëm Shtabin e Emergjencës të Qarkut Elbasan. Deri më tani fatmirësisht? nuk raportohet asnjë qytetar i qarkut Elbasan i lënduar. Ndërkohë që deri në orën 20.00 raportohen 20 shtëpi banimi të dëmtuara pjesërisht në bashkitë Elbasan, Librazhd, Cërrik, Belsh dhe Peqin. Po ashtu është dëmtuar një urë e tipit pasarelë dhe një kabinë elektrike, tek e cila repartet e OSHEE po punojnë për riparimin. Nesër në mëngjes do të verifikohen edhe të gjitha kopshtet dhe shkollat në të gjithë Qarkun”-shkruan Balla.