TIRANE
Partia Demokratike zhvilloi sot një mbledhje të përbashkët me aleatët e saj të opozitës, nga e cila nuk kanë munguar as puthjet dhe përqafimet. Në një kohë që kreu i PD-së, Lulzim Basha po mbante një deklaratë për mediat, aleatët, Monika Kryemadhi, Petrit Vasili, Mesila Doda, Edi Paloka, Nard Ndoka, Fatmir Mediu, Dashamir Shehi, dolën të buzëqeshur nga mbledhja.
Në fotot e siguruara nga LSA, vlen të veçohet momenti kur kreu i PD-së takon përzemërsisht kryetaren e LSI-së, Monika Kryemadhin, duke shkëmbyer puthje dhe përqafime.
Kujtojmë se menjëherë pas mbledhjes Basha tha se opozita do bëjë gjithçka për të rrëzuar Edi Ramën që sipas tij, ka ngritur një parlament privat, qeveri private e shtet privat. Kreu i PD-së shtoi se të shtunën PD do të mbledhë Këshillin Kombëtar për të përcaktuar kur do të nisin protestat, kjo e fundit një vendim i marrë me aleatët.
(BalkanWeb)
