HIMARË
Muajt korrik dhe gusht janë cilësuar si muajt e rehatisë pasi shumë turistë dynden drejt bregdetit për të kaluar momente çlodhëse së bashku me të afërmit e tyre. Këtë vit është parë një shtim turistësh në bregdetin shqiptar, si në Detin Jon ashtu edhe përgjatë Adriatikut.
Disa pamje të shkrepura nga “LSA” faktojnë bukurinë e plazheve shqiptare, ku shfaqen të mbushur me pushues, të cilët shijojnë ujin e kristaltë duke larguar vapën përvëluese.
Jo vetëm nga shqiptarët, por së fundmi plazhet në vend janë populluar me pushues nga vende të tjera të Evropës dhe më gjerë. Pamjet e mëposhtme janë fiksuar në plazhin e Llamanit, në afërsi të Himarës.