Menjëherë pasi lajmi për bastisjen e FBI-së në kompleksin Mar-a-Lago që Donald Trump zotëron në bregdetin e Floridas, ku po kërkohen materiale të klasifikuara të Presidencës së SHBA, gazetarja e New York Times dhe bashkëpunëtorja e CNN, Maggie Haberman ka zbuluar disa imazhe që rëndojnë pozitat e ish-Presidentit.

Haberman po zbulon imazhet e reja në librin e saj të ardhshëm “Njeriu i besimit”, dhe ato janë postuar më herët nga Axios, duke zbuluar dy raste në të cilat Trump me sa duket ka hedhur dokumente konfidenciale të shkruara me dorë, në tualet, për t’i zhdukur nga syri i të tjerëve rreth tij.

Ndërkohë, CNN ka raportuar më parë se si Trump shkeli ligjet e mbajtjes së të dhënave presidenciale dhe shpesh griste dokumente, drafte dhe memorandume pasi t’i lexonte ato.

Ai hidhte periodikisht letrat në tualet në rezidencën e Shtëpisë së Bardhë, letra të cilat u zbuluan më vonë kur u thirrën teknikët për riparimin e tualeteve të bllokuara.

Trump i ka mohuar gjithmonë akuzat dhe në një deklaratë të dhënë për “Axios” të hënën, një zëdhënës i tij pretendoi se raportimi për këtë praktikë ishte i sajuar.

Htr5h
Htr5h

Në imazhet e zbuluara të hënën, është e paqartë se kujt apo çfarë teme i referohen dokumentet, por duket se ato janë shkruar me dorëshkrimin e Trump me stilolaps të zi.

Haberman tha se një imazh është nga një tualet i Shtëpisë së Bardhë dhe tjetri është nga një udhëtim jashtë shtetit dhe ajo i ka siguruara nga një burim i Shtëpisë së Bardhë në kohën kur drejtohej nga Trump.

“Kush e di se çfarë përmbanin ato letra? Vetëm ai do ta dinte dhe me sa duket kushdo që merrej me të, por pika e rëndësishme është te të dhënat”, tha Haberman për CNN.

Rehtjh
Rehtjh

Më tej ajo zbuloi se Trump kishte një model të mospërfilljes së procedurave normale të ruajtjes së të dhënave. Në një rast, Trump pyeti nëse dikush dëshironte ta vendoste një kopje të një fjalimi që sapo kishte bërë në kabinën e shtypit Air Force One, në ankand në eBay.

Në raste të tjera, Trump do t’i ngarkonte ndihmësit që të mbanin kuti me memorandume të palexuara, artikuj dhe drafte të Tweet-eve në bordin e avionit presidencial që ai t’i shqyrtonte dhe më pas t’i griste në copa.

Një ish-zyrtar i Shtëpisë së Bardhë kujtoi se ndërsa ruajtja e dokumenteve ishte një përgjegjësi kryesore e sekretarit të stafit, pjesës tjetër të stafit të lartë të Trumpit i mungonte ndjenja e detyrimit të tyre për të mbajtur të dhënat e dokumenteve që lëviznin nëpër krahun perëndimor.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb