Nuk është më një lajm që Victor Osimhen kërkohet nga klubet më të mëdha në Premier League, nuk është një sekret as që dëshira e lojtarit është të transferohet në Angli, por çmimi që i ka vendosur presidenti De Laurentis është më të vërtetë i “kripur”.

Sipas mediave italiane, Napoli nuk do të bëhet pengesë për largimin e Osimhen, por jo pa marrë fillimisht atë që kërkojnë. Pas ofertave të shumta që kanë ardhur në tryezën e tij, De Laurentiis ka fiksuar çmimin për Osimhen, 170 milionë euro.

Ozi
 

Sigurisht kjo është një kërkesë shumë e lartë, por klubet e interesuara mund të përfshijnë ndonjë lojtarë për të ulur kostot, si në rastin e Chelsea, me blutë që janë të gatshëm të përfshijnë në negociata kartonin e Armando Brojës.

Armando Broja
 

Nëse ky operacion do të kryhej, pra nëse Osimhen do të shihej me këtë çmim, atëherë ky do të ishte një transferim rekord për futbollin italian.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb