ELBASAN
Një autoveturë u përfshi nga flakët në orët e vona të mbrëmjes në aksin rrugor Elbasan-Tiranë.Ngjarja ndodhi në vendin e quajtur Dopaj në aksin Elbasan -Tuneli i Krrabës.
Gazetari Famir Popja raporton se fillimisht u dyshua për djegie të qëllimshme të automjetit , por pas verifikimeve të kryera në vend ngjarje rezultoi se automjetit tip benz ishte përfshirë nga flakët si pasojë e një defekti elektrik .
Në vendngjarje mbërriti një makinë e shërbimit zjarrfikës dhe policia të cilët vunë nën kontrollon situatën e krijuar nga e cila u bllokua përkohësisht edhe qarkullimi në këtë aks rrugor.
Burime nga vendngjarja raportuan se nga përfshirja nga flakët e automjetit tip Benz nuk ka patur të lënduar.Të gjithë personat që ndodheshin brenda automjetit kanë arritur të dilnin jashtë tij menjëherē, ndërsa benzi thuajse është djegur plotësisht.
(BalkanWeb)