Garda Revolucionare e Iranit ka marrë në dorëzim anijen e parë detare të prodhuar në vend, e aftë për të lëshuar dronë dhe helikopterë nga deti.

Aeroplanmbajtësja detare Martyr Bageri iu bashkua flotës së IRGC-së gjatë një ceremonie mëngjesin e sotëm në qytetin port jugor të Bandar Abbas.

Komandanti i Marinës së IRGC-së, kundëradmirali Alireza Tangsiri, tha: “Është një platformë detare e lëvizshme për kryerjen e misioneve me dronë dhe helikopterë në oqeane”.

  • foto galeri
  • foto galeri

Shtimi i anijes në flotën e Gardës Revolucionare të Iranit konsiderohet nga analistët politikë si një hap i rëndësishëm për të rritur aftësitë mbrojtëse dhe parandaluese të Republikës Islamike të Iranit në ujërat detare.

Publikimi i pamjeve të aeroplanmbajtëses së parë iraniane vjen disa orë pasi presidenti i SHBA, Donald Trump ashpërsoi deklaratat në adresë të Teheranit. Trump tha se Irani do të zhduket nga faqja e dheut nëse tenton ta vrasë atë, duke iu referuar zbardhjes së komplotit në tetor 2024, kur u akuzua Teherani se kishte tentuar të vriste kandidatin e atëhershëm demokrat për Shtëpinë e Bardhë.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb