“There is only one Kate in London” ‘Ka vetëm një Kate në Londër’ titullohej një poster i krijuar nga një grup fansash në vitin 2011, vit në të cilin Kate Middleton u martua me trashëgimtarin e fronin britanik, Princin William. Megjithatë, Kate në fjalë nuk ishte princesha e Uellsit, por Kate Moss.
48 vite nga të cilat 35 kaloi në pasarelë, mes sukseseve të pafundme dhe skandaleve në faqe të parë: Kate Moss është një legjendë. Protagoniste absolute në botën e modës, ajo është ende në kulmin e saj. Top modelja mori pjesë si i ftuar në çmimet WSJ Innovator Awards, që u mbajt të mërkurën më 2 nëntor në MoMA në Nju Jork. E shoqëruar nga Anthony Vaccarello, drejtor kreativ i Saint Laurent, Moss u kujdes që të merrte të gjithë vëmendjen në tapetin e kuq.
Transparente dhe sensuale
Kate Moss mbërriti me stil në muze, me një veshje trasparente. Padyshim që maja është mbështetur në krijimet e mikut së saj Vaccarello, duke zgjedhur një fustan të parë në sfilatën e javës së fundit të modës në Paris. Fustani ngjyrë mustardë, shumë sensual dhe tërësisht transparent, tregonte trupin e hollë të modeles së famshme. Poshtë, Kate kishte veshur vetëm një palë mbathje të zeza, ndërsa thithkat e saj i dilnin jashtë nga pëlhura. Një kapuç në kokë e bënte atë edhe më djallëzore. Pamja e saj u kompletua me çizme të zeza me platformë, një gjerdan me një varëse të madhe, një palë vathë dhe disa byzylykë.
E zjarrtë pas festës
Pas ngjarjes, ku Moss darkoi pranë Hailey Baldwin, grupi i miqve u zhvendos në një klub në Nju Jork për një festë. “Kate dhe Charlotte përgjithmonë”, shkruan Anthony Vaccarello në Instagram. As këtu nuk po flasim për Kate Middleton dhe Princeshën Charlotte, por për Kate Moss dhe Charlotte Gainsbourg. Të dy kërcejnë me dritave, buzëqeshin: videot janë të nxehta. Në fund ka vetëm një Kate, në Londër, në Nju Jork … dhe kudo.
