TIRANE – Që prej orës 09.00 të mëngjesit, protesta për lirimin e të arrestuarve pas dhunës në Kukës përpara Drejtorisë së Policisë në Tiranë nuk ka ndaluar.
Dhjetëra qyetarë, ashtu si pasditen e djeshme, me pankarta në duar e me thirrjet “Rama ik”, zunë vend përpara godinës së Drejtorisë në kryeqytet.
Me herët ata bllokuan dhe këtë segment rrugor duke ndaluar qarkullimin e automjeteve. Madje disa prej tyre janë ulur këmbëkryq në mes të rrugës ku kanë shtruar disa gazeta dhe filluan duke ngrënë.
Qytetarët po protestojnë për 23 të arrestuarit në Kukës. Në protestë morën pjesë edhe deputetë të opozitës. Një apel për lirimin e të arrestuarve e bëri dje edhe Këshilli Bashkiak i Kukësit, i cili ka paraqitur një deklaratë me 5 pika ku nuk pranon negociata deri në nxjerrjen e të arrestuarve.
(e.f/BalkanWeb)
