Versioni Estate i “Mercedes-AMG E 63” pritet të dalë në shitje në muajin prill, pas debutimit në panairin e veturave që mbahet në Gjenevë.
“E 63 Estate” do të prezantohet në Gjenevë në fillim të muajit mars dhe në treg do të dalë me versionin “4MATIC+all-wheel-drive”. Ky model pritet të ketë edhe versionin “S”.
Mercedesi i ri do të ketë motorin 4.0-litra twin-turbo V8, që në versionin standard do të prodhojë 563 kuajfuqi, ndërsa në versionin “S” do të ketë 604 kuajfuqi.
Me motorin e ri, “E 63 Estate” do të jetë më i fuqishëm sesa paraardhësi i tij, dhe falë uljes së peshës dhe teknologjisë për deaktivizimin e cilindrave ky model do të jetë më efecient.
Modeli standard shpejtësinë maksimale 250 kmh, ndërsa versioni AMG do të ketë 290 kmh.
Çmimi dhe detajet e tjera të kësaj veture do të bëhen të ditura gjatë prezantimit në Gjenevë.
(el.sp/BalkanWeb)