BULQIZE
“BalkanWeb” nxjerr në dritë të tjera detaje nga ngjarja e rëndë që ndodhi sot në qendër të Bulqizës, ku një 21-vjeçar mbeti i vrarë me thikë. Gazetari Enver Doçi raporton se autori i dyshuar, Fatjon Keta, kishte qenë shok me viktimën, Arlind Pasha dhe se shoqëroheshin bashkë çdo ditë.
Autori, Fatjon Keta
Po ashtu bëhet e ditur se 22-vjeçari, njihej si njeri problematik në lagje, pasi ushtronte edhe dhunë të vazhdueshme ndaj familjarëve të tij, (Ditën e sotme ka dhunuar nënën dhe motrën). Këta të fundit kishin njoftuar shpesh herë policinë, ndërsa autori pas shoqërimeve lihej i lirë. Po ashtu ai dyshohet se ishte përdorues i lëndëve narkotike dhe se me vete mbante çdo ditë thikë.
Viktima, Arlind Pasha
Ngjarja
Pas një sherri për motive të dobëta, Fajton Keta, 22 vjeç, goditi me thikë shokun e tij, të cilin e kishte edhe në lagje, duke i shkaktuar atij vdekjen. 21-vjeçari Arlind Pasha humbi jetën rrugës për në spital. Ndërkohë, policia u vu në ndjekje të autorit, i cili u largua nga vendi i ngjarjes pak pas krimit dhe u arrestua pak ore me vone.
(ed.me/BalkanWeb)