SHKODER- Një 55-vjeçare nga Shkodra ka mbetur e plagosur rëndë ditën e sotme, pasi teksa lëvizte me biçikletë është përplasur nga një makinë tip “Ford”. Ngjarja ka ndodhur rreth orës 16:00 në hyrje të qytetit të Shkodrës, kur makina me targë AA 434 DP ka aksidentuar shtetasen Nezijat Pano, 55 vjeç.
Gruaja, e cila po lëvizte me biçikletë, ka pësuar plagë në kokë si pasojë e përplasjes, dhe është dërguar në spitalin e Shkodrës për të marrë ndihmën mjekësore.
Mësohet se 55-vjeçarja fatmirësisht ndodhet jashtë rrezikut për jetën.
Ky është aksidenti i dytë brenda dy ditëve të fundit, ku makinat aksidentojnë qytetarët që lëvizin me biçikletë.
(el.sp/BalkanWeb)