Një dasmë e veçantë ka qenë ajo e basketbollistit të Tiranës, i cili së bashku me bashkëshorten e tij kanë shëtitur përmes Bulevardit “Dëshmorët e Kombit” me një karrocë të zbuluar.
Redi Vogli duke qenë se është një prej basketbollistëve kryesorë të skuadrës së Tiranës, por sidomos është edhe një “ultras”, nuk kish se si të mungonin simbolet dhe ngjyrat e ekipit bardheblu, edhe në një ditë të shënuar.
Një gjë të tillë, ai e ka treguar edhe ditën e djeshme, kur ka kurorëzuar në martesë dashurinë e tij me Klaudian, shkruan Gsh.al.
Basketbollisti ka bërë xhiron tradicionale në rrugët e kryeqytetit me shallin bardheblu dhe me flamurin e Tiranës, ndërsa nga ana tjetër shoqëruesit e tij festonin me flakadanë të ndezur, si të ishte në një pallat sporti apo në një stadium. Kjo i ka dhënë më shumë entuziazëm ditës së veçantë të Voglit.