Miley Cyrus dhe Cody Simpson duken në sintoni të plotë me festën e halloween. Në një video zbavitëse të postuar në Instagram, Cody është shtrirë në shtrat gjysmë i zhveshur me Miley e tij, e cila shfaqet vetëm me sytjena.
Të dy kanë përdorur filtrat me maskën e Joker teksa nxjerrin gjuhën dhe preken mes tyre. Nuk mund të thuhet se të dy nuk po zbaviten, sepse në javët e fundit ata janë të pandashëm. Edhe gjatë qëndrimit në spital të Miley, këngëtari australian, që ajo e quan ‘BF’ e tij, boyfriend, i ka qëndruar pranë.
Në instagram edhe nëna e Cody, Angie Simpson, është shprehur në favor të çiftit të ri, dhe ka komentuar një foto të tyre: Më bëhet qejfi që ju shoh së bashku të lumtur dhe të kënaqur dhe zemra më gëzon teksa ju shoh të qeshur dhe të lumtur’.