Që prej 1958 ishte vendosur në ambientet e jashtme të aeroportit JFK të New York, tani është bërë një bar elegant e stilit retro.

Po flasim për avionin antik Lockheed Constellation L-1649A, ose më thjesht ‘Connie’, i ristrukturuar më së miri si një bar.

Brenda strukturës janë ruajtur të gjitha elementet origjinale të mjetit. Kabina me një tavan të lakuar tani është një bar koktailesh shumë mikpritës.

Perdet e dritareve janë origjinale njësoj si copa e karrigeve të pasagjerëve. Një tapet i madh i kuq është vendosur në zonën ku janë tavolinat dhe orenditë e tjera, për të nderuar Eero Saarinen, që 1962 projektoi terminalin TWA në aeroportin amerikan.

(da.xha/BalkanWeb)