Mbrëmë janë ndarë çmimet Oscar 2022. “CODA”, është shpallur filmi më i mirë.
Ky film që ka në qendër njerëzit që nuk dëgjojnë dhe përpjekjet e tyre për të kuptuar botën, mori çmimin e madh.
Një vëmendje e veçantë në Oscar ishin edhe veshjet e yjeve botërorë. Ata parakaluan mbrëmjen e kaluar në tapetin e kuq për natën më të madhe të Hollywood.
Sytë e të gjithëve ishin për të parë kombinimet dhe zgjedhjet që ata kishin bërë për këtë event.
Nicole Kidman, Zoe Kravitz dhe Jessica Chastain zgjodhën ngjyrën pastel perfekte për kohën e ngjarjes prestigjioze ndërsa Zendaya preferoi ta ndezë atmosferën me një fund të argjendtë dhe bluzë saten për një pamje më rinore.