Partizani publikon foto nga ecuria e punimeve në shtëpinë e re të të kuqve, që në këto ditë ka qenë e fokosuar në përfundimin e ambienteve të stadiumit të ri.

Aktualisht po punohet në tribunën qëndrore, plotësimin e strukturave të saj, shtrirja e linjave të energjisë si dhe vendosja e mbulesës në tribunën kryesore.

Njoftimi i Partizanit

Vijojnë me intensitet punimet në stadiumin e ri të Kampionëve. Aktualisht po përfundon veshja e fasadës së tribunës kryesore. Kanë përfunduar instalimet elektrike, hidrosanitare dhe ato të kondicionimit. Ndërkohë po vishet struktura metalike, e cila mbulon tërësisht tribunën qëndrore. Të gjitha ambjentet funksionale të stadiumit janë konform standarteve të UEFA-s.

(Balkanweb)