TIRANË- Sot kryeministri Edi Rama i ka dërguar një dhuratë tenorit Agim Hushi për ditëlindje, pavarësisht se ai iu bashkua çadrës së opozitës, duke folur kundër qeverisë.
Këtë gjë e ka pohuar vetë tenori Hushi, i cili ka publikuar edhe fotot nga dhurata e kryeministrit. Hushi thotë se po feston me verën e zotit Rama freskimin e qeverisë me ministrat e rinj.
“Sot me erdhi dhurata e ditëlindjes nga Kryeministri i Shqipërisë Zoti Edi Rama!
I jam mirënjohës për këtë kënaqësi që më dhuroi dhe për përkujdesjen e tij!
Kjo është Shqipëria që duam: s’ia vlen të mbjellim palma dhe të shkulim shpirtra njerëzish!
Unë po e festoj sot me verën e Zotit Rama freskimin e qeverisë me ministrat teknikë dhe zbatimin e marrëveshjes me opozitën si një ngjarje madhore në historinë e mirëkuptimit politik dhe harmonisë qytetare shqiptare! Faleminderit Zoti Rama! Gëzuar”, shkruan artisti.
(m.k/BalkanWeb)
