Drama që po përjeton populli shqiptar, ku pasojat e lëna nga tërmeti janë të jashtëzakonshme, ka bërë bashkë shqiptarët kudo ndodhen. Me këtë situatë të renduar janë solidarizuar të gjithë aktorët e futbollit, FSHF, klube, lojtarë, të gjithë janë bërë bashkë për ti ardhur në ndihmë familjeve të prekura.

Klubi i Tiranës ka hapur një minikamp përpara stadiumit “Selman Stermasi” ku mbrëmjen e djeshme kanë kaluar natën mbi 100 persona:

“Një nisem humanitare e KF Tiranës ka bere te mundur dje hapjen e një minikampi pranë stadiumit “Selman Stermasi”.

Një numër i madh personash, familjesh te tronditura nga tërmeti i djeshëm, kane zënë vend ne çadra për te kaluar natën dhe qëndruar aty për sa do te jete nevoja. Me tepër se 100 persona janë strehuar, ushqyer dhe marre te gjithë suportin mjekësor për situatën.

Klubi është solidarizuar me momentin dramatik qe vendi po kalon dhe ka organizuar një minikamp për te treguar dhe një here vlerat si një klub qe i kalon përmasat e futbollit.
Ne jemi Tirona!