Ndonëse sot Maldivet janë një ndër vendet më të frekuentuara të botës, për shkak të detit të kristaltë, rërës së bardhë dhe shkëlqimit të diellit, para rreth 50 vitesh, ajo thuajse nuk njihej.

Për këtë ka shkruar CNN, e cila kujton udhëtimin e Mohamed Umar dhe tre shokëve të tij, të cilët në vitin 1972, hapën vendpushimin e parë turistik në Maldive, që quhej “Kurumba”.

Vizitorët e parë asokohe ishin gazetarë dhe fotografë Italianë, ndërsa sot, vendi ka qindra resorte dhe hotele, të shpërndara në më shumë se 1,200 ishuj.

Kurumba, që do të thotë “kokos” në gjuhën lokale në Maldive, ishte fillimisht një fermë e pabanuar e kokosit, kurse tani ajo ka të gjitha kambanat e pritshme të një vendpushimi luksoz në Maldive.

Strehimet e para për mysafirët u bënë në korale dhe gur gëlqeror. Çdo gjë që nuk rritej në vend duhej të sillej me anije dhe mund të duhej deri në tre muaj për të mbërritur.

Gazetat mbërrinin me muaj vonë dhe shërbimet e tjera ishin vështirë të realizueshme. Para turizmit, kishte vetëm rreth dy banorë në ishullin që tashmë preferohet nga miliona njerëz në botë.