BRITANI E MADHE
Media e njohur britanike “Daily Mail” raporton se një sulm i dyshuar terrorist ka ndodhur këtë pasdite në jug të Londrës. Një burrë i armatosur me thikë ka qëlluar njerëzit, që ecnin rrugës.
Burri plagosi disa vetë (numri i saktë nuk dihet ende), dersa u qëllua me armë nga policia. Ky sulm ndodh vetëm pak muaj, pasi Londra edhe më herët ka qenë cak i sulmeve të ngjashme.
“Rrethinat janë duke u shqyrtuar. Ngjarja mund të jetë një sulm terrorist”, kanë deklaruar nga policia në kryeqytetin britanik. Në zonë mbërritën një sërë ambulancash, që morën të plagosurit dhe u dërguan në spital.
Një pjesë trafiku në Londër u bllokua për shkak të kësaj ngjarje. Banorët dhe kalimtarët tregojnë se skena ishte një lemeri e vërtetë.
(d.xh/ Balkanweb)
