Ambasadorja e SHBA-ve Yuri Kim ka qenë sot në Durrës me rastin e rivendosjes së një pjesë të murit rrethues të Kalasë së Durrësit, të dëmtuar nga tërmeti i 26 nëntorit, restaurim për të cilin ka financuar qeveria amerikane.

Ajo që ra në sy nga vizita e ambasadores amerikane, ishte dhe veshja e zgjedhur. Kim mbante veshur një pallto, gjysma e së cilës ishte e qëndisur me figurën e Bukuroshes së Durrësit, dhe motive nga mozaiku që gjendet në amfiteatrin e Durrësit.