Ky është imazhi i pabesueshëm që një fotograf amator arriti të kap, kur në xhiron e pasdites teksa muzgu i mbrëmjes po binte dhe dielli ishte duke perënduar fotografoi dritën në formën e një engjëlli.

56-vjeçari nga Skocia, Stuart Murray nxori smartphone-in e tij për të bërë një foto teksa shijonte këtë perëndim dielli mbi vijën bregdetare pranë shtëpisë së tij në Aberdeenshire.

Dhe teksa dielli shkrihej ngadalë mbi Detin e Veriut, reflektimi i dritës shtrihej në të gjithë hapësirën e ujit duke reflektuar shkëlqimin e tij të verdhë për të krijuar imazhin e rrallë.