TIRANE- Me rastin e “Ditës së Europës” aktivitete të ndryshme kulmuan në kryeqytet, të cilat u mbyllën me një koncert mbrëmë në Muzeun Kombëtar.
Në festë siç duket edhe nga fotot e shkrepura nuk kanë munguar personalitete nga arti e kultura, politika dhe më gjerë. Ajo që ka rënë në sy me veshjen e saj të zgjedhur enkas për këtë rast ka qenë ambasadorja e BE-së Romana Vlahutin.
E shfaqur në krah të ministrit të Jashtëm Ditmir Bushati, Vlahutin mbante veshur një fustan të kuq të gjatë deri në fund të këmbëve. E qeshur dhe tejet elegante, në veshjen e ambasadores nuk mungonte edhe një gjerdan me rruaza, i kompozuar me një shqiponjë, simbolin kombëtar të Shqipërisë.
Në festë ishte i pranishëm edhe ambasadori i SHBA-ve, Donald Lu, i cili është fotografuar në një moment teksa qëndronte i menduar.
(m.a/BalkanWeb)
