I është dhënë lamtumira e fundit sot ish-Presidentit të vendit, Bujar Nishani. Të pranishëm në homazhe ishin figura të njohura shqiptare, të Kosovës dhe Maqedonisë së Veriut, nga fusha e politikës e jo vetëm.

Bujar Nishani, i cili shërbeu si president i Republikës së Shqipërisë nga 24 korriku i vitit 2012 deri më 24 korrik të vitit 2017, u nda nga jeta në moshën 56-vjeçare si pasojë e komplikimeve shëndetësore.

Nishani ka mbajtur edhe poste tjera të rëndësishme në Qeverinë e Shqipërisë, si ministër i Brendshëm dhe ministër i Drejtësisë.

Pak ditë më parë ai u dërgua në Gjermani për t’u kuruar nga një sëmundje e mushkërive, të cilën ia përkeqësoi COVID-19, por nuk ia doli të mbijetojë.