TIRANA

Në një deklaratë per mediat, Bashkia e Tiranes thote se pas rreshjeve të dendura të shiut, të një dite më parë në Tiranë Parku “Rinia” është gati sërish për të pritur me të vegjlit e kryeqytetit. Sipas njoftimit, punonjësit e mirëmbajtjes e kanë rikthyer menjëherë në normalitet situatën e krijuar nga rreshjet e mëdha, edhe në pjesën e kodrinave gjarpëruese të parkut.

Në reagimi për mediat Bashkia thote se krahas hapësirave të gjelbra dhe trotuareve moderne, “Parku Rinia” ka edhe një reliev të ndryshëm në sipërfaqe të caktuara, çka shërben jo vetëm si një mur akustik, por nxit edhe aktivitete fizike për fëmijët. Një hapësirë e veçantë i është kushtuar edhe moshës së tretë, ku janë vendosur stola, por edhe tavolina shahu.

“Një gjetje unike është edhe baseni ujor që rrethon “Monumentin e Pavarësisë”, i cili shërben si një mbrojtës natyror nga vandalizuesit. Parku ka një hapësirë të veçantë që i është dedikuar atyre që dëshirojnë të luajnë me katërputroshët si dhe janë krijuar mini-sheshe për fëmijë e të moshuar, ndërsa është bërë shtrimi i rrugicave me gurë dekorativ dhe është vendosur dhe sistem i ri ndriçimi.” thuhet në reagimin e Bashkisë së Tiranës.

(BalkanWeb)