HAVANA- Kaos dhe tym mund të shihet në videon e regjistruar pak pas rrëzimit të avionit Boeing 737 mbrëmjen e së premtes, pak pasi u ngrit nga aeroporti i Havanës me 104 pasagjerë në bord dhe 5 anëtarë të ekuipazhit. Mësohet se nga shpërthimi kanë mbijetuar janë vetëm tre femra.
Ndërsa vorbullat e tymit përhapen në ajër, dëgjohen ulërimat e njerëzve, që vrapojnë drejt avionit e përpiqen të gjejnë të mbijetuarit.
Në vendngjarje siç raporton “Daily Mail” mbërritën forcat zjarrfikëse, autoambulancat dhe policia. Ndërsa dëshmitarët e rastit janë përballur me skena të frikshme, kur kanë parë pjesë trupore, e gjurmë gjaku të pasagjerëve nën rrënoja.
Deri më tani autoritetet kubane nuk kanë nxjerrë ende listën e pasagjerëve që udhëtonin në avionin që shpërtheu.
Autoritetet kanë deklaruar se për aksidentin e rëndë është ngritur një komision i special që do të hetojë për shkaqet. Ky është aksidenti i tretë i rëndë në Kuba që nga viti 2010.
(m.a/BalkanWeb)